Kurbani i jetimit

Islamic Relief Kosova edhe këtë vit organizon prerjen e Kurbanit sipas standardeve dhe kushteve më të larta higjienike e duke u kujdesur për plotësimin e të gjitha dispozitave fetare.

Duke e prerë kurbanin tek ne (160€ për dele apo 170€ për lopë), një pjesë të mishit mund ta shijoni ju dhe të afërmit tuaj, ndërsa pjesa tjetër u shpërndahet familjeve me jetimë në kushte të vështira jetësore, në mënyrë që edhe ata të kenë arsye për ta festuar Festën e Bajramit.

Kurbani do të thotë sakrificë. Çdo vit gjatë muajit hënor të Dhul Hixhes, muslimanët në të gjithë botën therrin një kafshë (një dhi, dele, lopë apo deve) për të reflektuar gatishmërinë e Profetit Ibrahim për të sakrifikuar djalin e tij Ismailin, për hir të Zotit.

Çdo vit, Islamic Relief Kosova shpërndan mish të kurbanit për familjet e varfra me jetimë të cilat i kemi në përkujdesje. Për shumë prej këtyre familjeve, mishi është një luks të cilin nuk mund ta kenë gjatë gjithë vitit, e fatkeqësisht për disa familje, festa e Bajramit të Kurbanit është rasti i vetëm kur kanë mundësi ta shijojnë mishin.

Vitin e kaluar, kemi ndihmuar 5 820 familje, andaj bashkë me solidaritetin tuaj presim që bashkarisht këtë vit t’u dalim në ndihmë këtyre dhe shumë familjeve tjera.

Dhuroni sot për të për ta gëzuar dikë në Festën e Bajramit!

Obligimi juaj, amaneti jonë!